Klopp Atoa Ushuhuda wa Vijana Wachanga Baada ya Liverpool Kuishinda Chelsea na Kutwaa Kombe la Carabao
Prime pulse press
Na Mwana Wa Afrika
Jurgen Klopp, ambaye huenda akaondoka Liverpool mwisho wa msimu huu, alidhihirishia Liverpool kupitia wachezaji wachanga kuwa na uwezo mkubwa bila ya kuwategemea wachezaji wenye uzoefu.
Hii ni baada ya Liverpool kuwapepeta Chelsea, ambao walitumia pesa nyingi kujenga kikosi chao kuwa imara.
Klopp aliliambia shirika la habari la ESPN, "Kilichotokea hapa kilikuwa cha kushangaza kabisa. Nilidhani hayangewezekana. Timu, kikosi cha akademi kilichojaa talanta. Ninajivunia kuwa naweza kuwa sehemu ya sherehe ya leo. Kitu cha kushangaza zaidi ni kuwa tulitimiza ndoto ya mashabiki. Tulikuwa na nyakati za kufunga, walikuwa na wakati wa kufunga pia. Vijana walitia nguvu. Tulihitaji mabadiliko lakini yalikuwa machanga sana, lakini walifanya kazi."
Mchezaji Virgil Van Dijk alikuwa amemaliza mchezo dakika ya 60, ila bao likakataliwa na Mtambo wa VAR kutokana na makosa aliyoyafanya Wataru Endo, ambaye alimzuia Colwil kutofikia mpira aliokuwa amelenga kuutoa kwa kichwa katika maeneo ya hatari, jambo ambalo ni kinyume na sheria za FIFA. Aidha, Virgil aliwajibika dakika ya 118 baada ya Liverpool kupata mpira wa kona uliyochongwa na beki Kostas Tsimikas na kuunganishwa kwa kichwa hadi nyavuni.
Chelsea walipoteza nafasi nyingi za wazi walizostahili kufunga na kuwa washindi. Palmer, Jackson, na Gallagher walipoteza nafasi za wazi katika kipindi cha kwanza na cha pili, baada ya kila mmoja kubaki na mlinda lango Kelleher.
Klopp alisema Timu ya Liverpool ina vijana wachanga wazuri ambao watang'aa siku za usoni. Vijana hawa kama vile, J. McConnel 19, J. Danns 18, na Bobby Clark 18, ambaye alicheza usiku wa jana kwa mara ya kwanza katika kikosi cha kwanza cha Liverpool, walicheza vizuri katika mechi ya usiku wa jana na kuonyesha ubabe wao kwa Pochettino, ambaye huenda akamaliza msimu bila kikombe chochote.
Liverpool walitawazwa washindi wa Kombe La Carabao kwa mara ya kumi katika uwanja wa Wembley. Liverpool, wanaoongoza jedwali katika Ligi Kuu ya Uingereza kwa alama 60, wanalenga kunyakua taji la Uingereza kama taji lao la pili mwaka huu.
